Почитувани студенти,
Ми претставува особена чест и задоволство да Ве поканам на првиот академски час на 1-ви октомври 2021 година со почеток во 12 часот кој ќе се одржи по електронски пат на платформата ZOOM, на следниот линк:
https://us02web.zoom.us/j/85923678757?pwd=bktVTVRmMzhvUUs0SHNiaS9rVjF2QT09
Meeting ID: 859 2367 8757
На првиот академски час на Факултетот свое обраќање ќе имаат ректорот на Универзитетот, деканот на Факултетот, поранешни студенти, како и претставник на Универзитетското студентско собрание, кои со студентите ќе го споделат своето професионално искуство, ќе евоцираат спомени од студентските денови и ќе им укажат на можностите што им се нудат по завршувањето на студиите, според следната програма:
- 12.00 Почеток на Првиот академски час
- 12.00 Поздравно обраќање на деканот на Правниот факултет „Јустинијан Први“ во Скопје – проф. д-р Сашо Георгиевски;
- 12.10 Поздравно обраќање на ректорот на Универзитетот „Св. Кирил и Методиј“ во Скопје – проф. д-р Никола Јанкуловски;
- 12.20 Поздравно обраќање од Ева Цветковска – Претседателка на Универзитетското студентско собрание и студентка на правните студии на Правниот факултет „Јустинијан Први“ во Скопје;
- 12.25 Поздравно обраќање од д-р Дарко Костадиновски, судија на Уставниот суд на Република Северна Македонија, поранешен студент на правните студии на Правниот факултет „Јустинијан Први“ во Скопје;
- 12.30 Поздравно обраќање од м-р Илина Мангова, поранешна студентка на политичките студии на Правниот факултет „Јустинијан Први“ во Скопје и
- 12.35 Поздравно обраќање од Ана Петрушева – поранешна студентка на студиите по новинарство на Правниот факултет „Јустинијан Први“ во Скопје.
Во очекување на Вашето присуство,
срдечно Ве поздравувам,
Проф. д-р Сашо Георгиевски, декан