Почитувани,
На третиот циклус на студии во летниот семестар во делот на предавања и друг вид на комуникациски активности се опфатени следниве активности согласно Академскиот календар на Универзитетската школа за докторски студии за учебната 2021/2022 година:
− Прва годишна конференција (втор семестар);
− Втора годишна конференција (четврти семестар);
− Трета годишна конференција (шести семестар).
Годишната конференција согласно објавениот термин од Универзитетската школа за докторски студии е предвидена да се одржи во период од 19.04.2022 до 10.05.2022 година.
Реализираната активност „Годишна конференција” и доделувањето на ЕКТС-кредити се остварува со:
1. Пријава за годишна конференција (Образец O11-ГК-Пријава за годишна конференција);
2. Записник – потпишан од тричлена комисија (член од Универзитетскиот стручен совет, раководител на студиска програма и ментор); за студентите коишто студиираат согласно Правилникот за условите, критериумите и правилата за запишување и студирање на трет циклус студии-докторски студии од 2013 година и 2020 година или
Записник – потпишан од тричлена комисија (член од Универзитетскиот стручен совет, раководител на студиска програма и член од студиската програма по предлог на советот на студиската програма) за студентите коишто студиираат согласно Правилникот за условите, критериумите и правилата за запишување и студирање на трет циклус студии-докторски студии од 2019 година;
3. Потпис од раководителот на студиската програма во индекс.
1. Прва годишна конференција
Услов за доделување на ЕКТС-кредити е подготовка на краток труд кој содржи преглед на актуелната литература поврзана со истражување на специфична област, како можност за изработката на докторскиот труд и презентација на истиот на првата годишна конференција.
2. Втора годишна конференција
Услов за доделување на ЕКТС-кредитите е подготовка на презентација за рецензираниот труд од првиот докторски семинар и јавно презентирање на трудот.
3. Трета годишна конференција
Услов за доделување на ЕКТС-кредитите е подготовка на презентација за рецензираниот труд од вториот докторски семинар и јавно презентирање на трудот