Почитувани студенти,
Со задоволство ве известуваме дека Правниот факултет „Јустинијан Први“ – Скопје започна со подготовки за објавување на вториот број на студентското стручно списание „Iustinianus Primus Student Law Review“ – IPSLR.
За таа цел, Правниот факултет „Јустинијан Први“ – Скопје, објавува Повик до сите студенти за доставување на свои трудови за вториот број на IPSLR. Главниот фокус на вториот број на IPSLR е на тема – Владеењето на правото и стабилноста на правниот систем – science fiction?
Повеќе детали можете да пронајдете во повикот и упатството за авторите.
Крајниот рок за доставување трудови е 30 септември 2025 година.
Студентското списание обезбедува платформа за критичка и креативна студентска мисла и дебата во различни области од правото и општеството. Се надеваме дека овој повик ќе поттикне уште поголем интерес и дека со вашиот труд ќе придонесете за уште поквалитетен и поуспешен втор број на IPSLR.
Срдечен поздрав,
Членовите на Уредувачкиот одбор на IPSLR.