Виртуелната промоција на книгата „Балкански наследства – Долгата сенка на конфликтот и идеолошкиот експеримент во Југоисточна Европа“

Правниот факултет „Јустинијан Први“ во Скопје

има особена чест и задоволство да Ве покани на виртуелната промоција на книгата

Балкански наследства – Долгата сенка на конфликтот и идеолошкиот експеримент во Југоисточна Европа

која ќе се одржи на 5 јули 2021 година /понеделник/ од 14:00 – 14:30 на платформата Зум

 

 

Балкански наследства“ е студија за последиците на војната и државниот социјализам во современиот Балкан. Авторите ги проучуваат неизбежните наследства од неодамнешното минато како и оние со кои треба да се соочи сегашноста. Главната тема на книгата е интеракцијата, често потсвесна, на искуствата на војната и социјализмот во современото општество во регионот. Петнаесет автори ѝ пристапија на оваа тема од различни дисциплинарни гледишта и преку мноштво на интерпретативни пристапи, заеднички исцртаа една сложена слика на најдолготрајните наследства на конфликтот и идеолошка транзиција во регионот, без запоставување на националните и локалните особености. Во книгата е вклучен и трудот на нашиот редовен професор Мишо Докмановиќ – „Неочекуван пресврт“ – историското наследство на дваесеттиот век и процесот на „антиквизација“ во Македонија. Книгата е објавена од страна на престижниот американски издавач Purdue University Press.

Говорници:

Проф. д-р Сашо Георгиевски, декан на Правниот факултет „Јустинијан Први“ во Скопје

Проф. д-р  Џон Пол Њуман, претседател на Ирската асоцијација за руски, централноевропски и источноевропски студии

Проф. д-р Балач Апор, професор на Тринити Колеџ Даблин и

Проф. д-р Мишо Докмановиќ. редовен професор на Правниот факултет „Јустинијан Први“ во Скопје.

Настанот ќе се одржи на англиски јазик.

Линк за промоцијата https://us02web.zoom.us/j/83576230012?pwd=cFNWb1dDQVR6Nk1sT0FlMllCbHdKUT09

Meeting ID: 835 7623 0012    Passcode: 1122

The Faculty of law of Ss. Cyril and Methodius University in Skopje has the honour and privilege to invite you to the Virtual Book Promotion

Balkan Legacies: The Long Shadow of Conflict and Ideological Experiment in Southeastern Europe

on Monday July 5, 2021 at 2PM CET

Balkan Legacies is a study of the aftermath of war and state socialism in the contemporary Balkans. The authors look at the inescapable inheritances of the recent past and those that the present has to deal with. The book’s key theme is the interaction, often subliminal, of the experiences of war and socialism in contemporary society in the region. Fifteen contributors approach this topic from a range of disciplinary backgrounds and through a variety of interpretive lenses, collectively drawing a composite picture of the most enduring legacies of conflict and ideological transition in the region, without neglecting national and local peculiarities. The publication also includes the paper of our professor Mišo Dokmanović – The Unexpected Twist: The Historical Legacies of the 20th Twentieth Century and the Process of “Antiquisation” in Macedonia. The book was published by Purdue University Press.

Speakers:

Prof.dr.iur. Sasho Georgievski, Dean of the Iustinianus Primus Faculty of law, Skopje

Prof. dr. John Paul Newman, President the Irish Association for Russian, Central and East European Studies, IARCEES

Prof. dr. Balazs Apor, Trinity College Dublin

Prof. dr. iur. Mišo Dokmanović, Iustinianus Primus Faculty of law, Skopje

Link https://us02web.zoom.us/j/83576230012?pwd=cFNWb1dDQVR6Nk1sT0FlMllCbHdKUT09

Meeting ID: 835 7623 0012    Passcode: 1122

Правниот факултет ’Јустинијан Први’ при Универзитетот ‘Св. Кирил и Методиј’ во Скопје го освои второто место во светот на писмениот дел од студентскиот натпревар по меѓународно право ‘Phillip C. Jessup International Law Moot Court Competition‘

Студентската екипа од Правниот факултет „Јустинијан Први” при Универзитетот ‘Св. Кирил и Методиј’ во Скопје во состав: Елена Јаман, Соња Анастасова, Христијан Зафировски, Виктор Кочински и Леона Кичеец, а подготвувани од проф.д-р. Сашо Георгиевски и доц.д-р. Љупчо Стојковски, направи извонреден успех на меѓународниот натпревар по меѓународно право Phillip C. Jessup освојувајќи го 2-то место во светот на писмениот дел од натпреварот во конкуренција од 574 екипи од целиот свет. Со тоа тимот од Правниот факултет беше и еден од добитниците на Hardy C. Dillard наградата за најдобри комбинирани меморандуми (Best combined memorials) на натпреварот. (линк). Дополнително, за писмениот поднесок како тужител (во категоријата „Best Applicant Memorial”) Правниот факултет го освои 3-то место во светот за оваа година.

Oсвен огромниот успех кој го постигна во писмениот дел од натпреварот, тимот на Правниот факултет „Јустинијан Први” имаше и одличен настан на усниот дел од натпреварот. Натпреварувајќи се против тимовите од Lomonosov Moscow State University (Русија), University of Toronto (Канада), University of Arizona (САД), University of California-Davis (САД), University of Michigan (САД), Al Azhar University (Eгипет), Friedrich-Alexander-Universität Erlangen-Nürnberg (Германија), Harvard University (САД), Peking University (Кина) и University of Melbourne (Австралија), Правниот факултет успеа да обезбеди пласман во напредните (advanced) рунди од натпреварот и на крајот го освои 95-то место во конечното рангирање, во конкуренција на 574 екипи од целиот свет кои земаа учество на натпреварот оваа година. Со тоа, Правниот факултет се пласираше пред бројни реномирани универзитети, како на пример George Washington University (101) и Georgetown University (121) од САД, London School of Economics (115) и University College London (122) од Велика Британија,  Lomonosov Moscow State University (130) Русија, Universiteit Utrecht (116) Universiteit Leiden (207) од Холандија, University of Helsinki (128) Финска, и многу други.

Меѓународниот натпревар Philip C. Jessup е најстариот и најголемиот moot court натпревар по меѓународно право во светот. Натпреварот го организира Меѓународната студентска асоцијација за меѓународно право (ILSA – International Law Students’ Association) и истиот се одржува 62 години по ред, а на него годишно учествуваат околу 600 правни факултети од целиот свет. Натпреварот, кој секоја година во Април се одржува во Вашингтон Д.Ц, САД, претставува симулација на случај помеѓу две држави пред Меѓународниот Суд на Правдата и се одвива во две фази. Првата фаза е писмена постапка, во која тимовите подготвуваат и поднесуваат меморандуми за двете држави во спорот неколку месеци пред одржување на усната постапка. Во втората фаза, тимовите усно ги презентираат своите позиции и ги застапуваат двете држави на завршните рудни во Вашингтон (оваа година онлајн).

Правниот факултет „Јустинијан Први” при Универзитетот ‘Св. Кирил и Методиј’ во Скопје веќе четири години по ред учествува на овој престижен меѓународен натпревар и секоја година бележи успешни настапи. Подржан од Универзитетот, уште при своето прво учество во 2018-та година ја освои наградата за “Најдобар нов тим“ на натпреварот и се пласира во првата десеттина најдобро рангирани екипи (од над 710 учесници), а во 2019-та година, исто така пласирајќи се во првата десеттина екипи од светот, го освои и второто место на пријателскиот натпревар Philip C. Jessup European – Friendlies во Лисабон. Лани, Правниот факултет при УКИМ се пласира се на 26-то место на конечната ранг листа (кое лани се вршеше само според писмените поднесоци бидејќи усните рудни се откажаа), освојувајќи ја Alona E.Evans наградата за најдобри комбинирани меморандуми на меѓународните рунди на натпреварот.

Отворен повик за пријавување за меѓународен натпревар – Willem C. Vis International Commercial Arbitration Moot

Искористете ја можноста да учествувате на најголемиот натпревар од областа на меѓународната трговска арбитража во светот. Бидете дел од најдобрите, пријавете се на следниов mail: v.dokovski@pf.ukim.edu.mk
Трошоците за учество на натпреварот во Виена, како и подготвителните натпревари во градовите во Европа се целосно покриени.
Во прилог преземете го отворениот повик за пријавување за повеќе информации.

Отворен повик за пријавување за меѓународен натпревар – Frankfurt Investment Arbitration Moot

Искористете ја можноста да учествувате на најстариот натпревар од областа на инвестиционата арбитража. Бидете дел од најдобрите, пријавете се на следниов mail: v.dokovski@pf.ukim.edu.mk
 
Трошоците за учество на натпреварот во Франкфурт, како и подготвителните натпревари се целосно покриени.
 
Во прилог преземете го отворениот повик за пријавување за повеќе информации.

Правниот факултет ’Јустинијан Први’ со одличен пласман и освоена награда на студентскиот натпревар по меѓународно право ‘Phillip C. Jessup International Law Moot Court Competition‘

Студентската екипа од Правниот факултет „Јустинијан Први” при УКИМ во состав: Миа Георгиевска, Атанас Аврамов, Ивана Ажиевска и Елена Јаман

Read more…

Оn-line академска работна маса на тема „ПРАВНО-ПОЛИТИЧКИ И ЕКОНОМСКИ ДИСКУРС ВО ВРЕМЕ НА COVID-19“

Оn-line академска работна маса на тема „ПРАВНО-ПОЛИТИЧКИ И ЕКОНОМСКИ ДИСКУРС ВО ВРЕМЕ НА COVID-19“, 29 април 2020 година (среда) со почеток во 13 часот, платформа Microsoft Teams.
Оn-line настанот има за цел подобро разбирање на националната перспектива во однос на справувањето со пандемијата COVID-19. Исто така, преку настанот се цели да се анализираат импликациите на постојната состојба врз правните, политичките, економските и пошироките општествени аспекти, вклучително прогласувањето на вонредна состојба, справувањето со економските предизвици за време на криза, одржувањето на политичка стабилност на системот, почитувањето на човековите права и слободи и известувањето и односите со јавноста во време на пандемија.
Преземете ја агендата ТУКА.
Преземете ја финалната програма со книга на апстракти  ТУКА.