ЕЛСА – Moot Court Comptetition

На 21ти и 22ти мај 2022 година, ЕЛСА Северна Македонија со свој тим зеде учество на XVI Регионален МООТ Court напревар во симулација на постапката пред Европскиот суд за човекови права.
Тимот на ЕЛСА Северна Македонија, „Јустинијана Прима“, кој одлично се претстави на натпреварот и го доби второто место се состоеше од Симеона Стефаноска, Цане Малов и Исмаил Мустафа во улога на апликанти и Харис Бачевац, Јана Иванова и Памела Иванова, кои се најдоа во улога на држава.
Регионалниот MOOT Court натпревар се одржува традиционално секоја година и претставува еден од најпрестижните MOOT Court натпрвари во Европа, во организација на шведската невладина организација Civil Rights Defenders. Целта на натпреварот е да ги обучи студентите за Европската конвенција за човекови права и основни слободи, како и за постапката пред Европскиот суд за човекови права во Стразбур.

Покрај тимот на ЕЛСА Северна Македонија кој го претставуваше Правниот факултет „Јустинијан Први“ од Скопје и кој воедно беше единствениот тим од Република Северна Македонија кој зеде учество на натпреварот, на натпреварот учествуваа и правните факултети од Љубљана, Загреб, Ниш, Подгорица, Мостар, Тирана, Нови Сад и Сараево.

Наградата „Гоце Делчев“ за проф. Докмановиќ

Овогодинешен лауреат на највисоката државна награда за заслуги во областа на науката „Гоце Делчев“ е професорот на Правниот факултет „Јустинијан Први“ Мишо Докмановиќ. Наградата му беше доделена како признание за монографијата „Сами на своето: кратка историја на македонската независност (1990-1993)“ на свечена церемонија во Собранието на Република Северна Македонија одржана на 4 мај 2022 година. Наградата на професорот му ја врачи академик Љупчо Коцарев, претседател на МАНУ.

Тој е втор професор во историјата на Факултетот по проф. д-р Владимир Картов (во 1988 година) кој е добитник на наградата.  

Во пригодното обраќање по повод врачувањето на наградата, проф. д-р Докмановиќ наградата ја посвети на сите колешки и колеги на Универзитетот „Св. Кирил и Методиј“ во Скопје, но и на целата академската заедница во земјата.

Наградата „Гоце Делчев“ е востановена во далечната 1949 година.

Обраќањето на добитникот на Државната награда за заслуги во областа на науката „Гоце Делчев“, проф. д-р Мишо Докмановиќ, на Свеченото доделување одржано на 4 мај 2022 година во Собранието на Република Северна Македонија може да се преземе тука.

Книгата „Сами на своето: кратка историја на македонската независност (1990-1993)“ може да се преземе бесплатно на следниов линк. 

(https://library.fes.de/pdf-files/bueros/skopje/18268.pdf)  

Guest Lecture Containing COVID-19: A Right to Privacy versus a Human Right to Public Health

Guest Lecture
Faculty of Law Ss. Cyril and Methodius University, Skopje
27 April 2022
.
Containing COVID-19:
A Right to Privacy versus a Human Right to Public Health
.
Benjamin Gregg, University of Texas at Austin
.

Abstract: In the context of the coronavirus pandemic, should data collection trump individual privacy rights or vice versa? I attempt to square the circle by arguing both for mandatory contact-tracing and for an improved legal basis for protecting privacy as much as possible under such a mandate. My goal is to motivate popular participation in mandatory contact tracing even as that participation temporarily infringes individual privacy rights. If a liberal democratic political community offered strong legal protection for persons who sacrificed some privacy rights for the sake of a more effective collective effort to contain the virus, and if citizens had good reason to trust both the state and the private sector with their private health information, then, from a consequentialist standpoint, a data-first strategy recommends itself over a privacy-first approach. I further argue that legally mandated contact-tracing is compatible with human rights, whereby an individual human right to privacy conflicts with a collective human right to health, a conflict resolvable, again, by consequentialist means.

Benjamin Gregg Short Biography

Промовирана книгата„Хрватите во високообразовниот и културниот живот на Македонија во 20 век

Во свечената сала на Факултетот, на 12.4.2022 година во организација на Заедницата на Хрватите во РС Македонија„ а под покровителство на „Средишната државна канцеларија за Хрватите вон Република Хрватска„ од Загреб. се одржа промоција на книгата „Хрватите во високообразовниот и културниот живот на Македонија во 20 век“ од авторите Проф. д-р Наташа Котлар-Трајкова, проф. д-р Мирјана Поленак-Аќимовска, проф. д-р Владо Бучковски и проф. д-р Гоце Наумовски..
Наведената книга се издава врз основа на потпишаниот „Меморандум за соработка„ помеѓу Правниот факултет „Јустинијан Први„ УКИМ Скопје, и Заедница на Хрвати во РС Македонија а имајќи го предвид историскиот придонес на еминентни професори по општествените науки а особено по правни науки по потекло од Хрватска, во основањето и развојот на Правниот факултет „Јустинијан Први“, Градежниот, Медицинскиот, Филозофскиот и Факултетот за архитектура, во втората половина на дваесетиот век и нивниот придонес за македонската наука.

Промотор на изданието беше Деканот на Правниот факултет „Јустинијан Први“ Проф. д-р Сашо Георгиевски а во име на Претседателката на Заедницата Хрватите се обрати г-дин Ненад Живковиќ, претставник на Заедницата на Хрватите. 

Низ 40-те страници на книгата се спомнуваат имиња на познати и признати правници, историчари, физичари, хемичари, медицинари, економисти, градежни инженери и архитекти, композитори, диригенти, оперски пеачи, режисери, писатели, творци, идеалисти и практичари кои ја поставиле основата на повоениот македонски високообразован живот и оставиле значаен белег во севкупниот научен и културен живот. Иако мала по обем, книгата е пионерски израз и поттик за натамошно пишување и соработка на двата народи – македонскиот и хрватскиот.

Авторите се професорите Наташа Котлар-Трајкова, Мирјана Поленак-Аќимовска, Владо Бучковски и Гоце Наумовски.

На настанот покрај другите гости, присуствуваа и Директорот на „Агенцијата за остваривање права на Заедниците„ г. Еран Куртиш како и Заменикот Министер во „Министерството за политички систем и односи помеѓу заедниците„ г. Џабир Доко.

ЗБОРУВАМЕ ОТВОРЕНО ЗА НАУКА  „Науката го поврзува светот! Поврзи се со УКИМ!“

ЗБОРУВАМЕ ОТВОРЕНО ЗА НАУКА

 „Науката го поврзува светот! Поврзи се со УКИМ!“

 12.04.2022 / 12:00-13:30

Живеејќи и творејќи во време на 4-та индустриска револуција, го имаме тој предизвик, да чекориме по патот на глобалните истражувања и технолошките иновации, кои креираат нов свет, базиран на континуиран развој.

УКИМ има цврста заложба за движење во чекор со времето и новините кои ги носи светот на откритијата, свет кој создава цивилизациски придобивки и го подобрува општеството во целина.

Науката е значајна за секој поединец, станува отворена, разбирлива, граѓанска, двигател на развојот и дел од современото живеење.

Драги студенти, вклучете се на 12-ти Април во 12:00 на Zoom, бидете дел од дебатата за наука, и откријте зошто сте Вие потребни.

На настанот ќе говорат:

  1. Проф.д-р Никола Јанкуловски, ректор на УКИМ
  2. Проф.д-р Валентина Гечевска, проректор за наука на УКИМ
  3. Проф.д-р Јасмина Тониќ Рибарска, раководител на Центарот за кариера на УКИМ
  4. Проф. д-р Валентин Мирчески, редовен професор на Институтот по хемија при Природно-математичкиот факултет во Скопје
  5. Проф. д-р Марија Вавлукис, вонреден професор на Медицински факултет
  6. Проф. д-р Ефтим Здравевски, доцент на Факултет за информатички науки и компјутерско инженерство
  7. Проф.д-р Владимир Ивановски, редовен професор на Институтот по хемија при Природно-математичкиот факултет во Скопје
  8. Проф.д-р Марјан Гушев, редовен професор на Факултет за информатички науки и компјутерско инженерство
  9. Проф. д-р Никола Стиков, професор по биомедицински инженеринг на Политехничката школа при Универзитетот во Монтреал и постојан член на Центарот за напредни интердисциплинарни истражувања на УКИМ
  10. Проф. д-р Владимир Атанасовски, редовен професор на Факултет за електротехника и информациски технологии
  11. Проф. д-р Ѓоше Стефков, редовен професор, Фармацевтски факултет
  12. Марија Акимовска, Менаџер за развој на бизнис во THRIVITY, Модератор на настанот

Настанот е дел од серијалот Зборуваме отворено, во организација на Центарот за кариера на Универзитетот „Св.Кирил и Методиј“ во Скопје и THRIVITY Кариерниот центар, кој ги следи трендовите од областа на човечкиот капитал и се стреми кон остварување на визијата за креирање на отворен, конкурентен и транспарентен пазар на труд.

За да можете да го следите настанот онлајн потребно е да се пријавите на следниот линк.

Ве очекуваме!
Зборуваме за наука!
Зборуваме за младите!

Phillip Jessup – Friendlies

Тимот на Правниот факултет „Јустинијан Први“ – Скопје, составен од студентките Марија Чекреџи, Марија Крстева, Теа Мицевска и Луција Чукеловска, а подготвуван од проф. Д-р Сашо Георгиевски, М-р Атанас Аврамов и М-р Миа Георгиевска, во периодот од 02-05 март 2022 година, учествуваше на пред-финалните пријателски натпревари Philip C. Jessup European – Friendlies и освои 5-то место од вкупно 12 натпреварувачки тимови. Тимот победи против тимовите на Charles University, University of Copenhagen и Riga Graduate School of Law, а загуби против тимот на ELTE – Будимпешта. Студентката Теа Мицевска освои 7-мо место од Топ 10 најдобри говорници. Тимот и Правниот факултет „Јустинијан Први“ – Скопје сака да им се заблагодари на своите спонзори Виталиа ДОО Скопје и Адвокат М-р Никола Лазаров од Скопје.

Наградата „13 ноември“ за проф. Докмановиќ

На 13 ноември 2021 година на свечена церемонија во Националната Филхармонија беше доделено највисокото признание на Градот Скопје – Наградата „13 ноември“.

За придонесот во развојот на науката и високото образование наградата му беше доделена на Мишо Докмановиќ, редовен професор на Правниот факултет „Јустинијан Први“ во Скопје.

Во обраќањето во име на добитниците, проф. д-р Докмановиќ нагласи:

„Среќен сум што вечерва гледам толку многу посветени граѓани на Скопје. Оваа награда е и ќе биде симбол на животот во нашиот главен град, симбол на нашиот непокор, на нашата победа, на нашата слобода!

Денеска водиме нови битки. Во болниците, во училиштата, на универзитетите, во театарот, во скромните услови секојдневно се бориме за подобар живот и се трудиме да бидеме врвни професионалци. Уште позначајно водиме и битки за да обезбедиме еднакви шанси на секој наш граѓани, но и да се избориме нашата татковина да не биде сама туку интегрирана со целиот цивилизиран свет.“

Наградата се доделува традиционално од 1955 година во чест на ослободувањето на Скопје.

Повик за учество на XXIV Ораторска вечер ,,Иво Пухан”

Универзитет ,,Св. Кирил и Методиј

Правен факултет ,,Јустинијан Први” во Скопје

Организациониот одбор на Ораторската вечер ,,Иво Пухан” објавува

ЈАВЕН ПОВИК

за учество на XXIV Ораторска вечер ,,Иво Пухан”

Сите заинтересирани за учество на XXIV Ораторска вечер ,,Иво Пухан” се поканети да се пријават по електронски пат на следнава мејл адреса: e.kranlibajram@pf.ukim.edu.mk најдоцна до понеделник, 15. 11.2021 година. Пријавата треба да содржи име и презиме на кандидатот/ката, циклус, година и насока, како и единицата при УКИМ на која студира.

Повикот е отворен за студенти од сите три циклуси студии на Универзитетот ,,Св.Кирил и Методиј”.

Организационен одбор на Ораторската вечер ,,Иво Пухан”

Повик за предавачи во Учиме право клуб

Младински образовен форум (МОФ) во рамки на програмата Учиме право отвора Повик за предавачи во Учиме право клубовите.

Учиме право клубовите на Младински образовен форум се насочени кон правна едукација и запознавање на младите со основите на демократијата и правниот систем, владеење на правото и остварувањето и заштитата на човековите, граѓанските и политичките права и слободи. Oваа учебна година во рамки на програмата ќе функционираат десет почетни клуба во 6 различни градови, и тоа: Битола, Куманово, Тетово, Струга, Велес и Скопје. Содржината на клубот е поделена на четири дела и тоа: Надлежностите на државните институции, човековите слободи и права, граѓанско право и казнено право.

Обврските на Предавачот се:

  •  Одржување редовни неделни предавања во клубовите;
  •  Редовна комуникација со програмскиот координатор и асистент, локалниот координатор и асистент-предавачот на клубот; Успешно и навремено планирање, спроведување и координирање на активностите на клубовите;
  • Изработка на месечен извештај за работата на клубот;
  • Реализирање на активности во склоп на програмата Учиме право, каде спаѓаат и Учиме право клубовите;
  • Задолжително присуство на координативни состаноци и
  • Задолжително присуство на Тренинг за предавачи кој ќе се одржи на 25 и 26 семптември 2021 година.

Тренингот ќе им помогне на пријавените предавачи да добијат глобална претстава за ангажманот, обврските, методологијата и начинот на реализирање на предавањата во рамки на клубовите.

Потенцијалните кандидати треба да ги исполнуваат следните услови:

  • Да се студенти на правни студии на Правен факултет, запишани најмалку во втора година од студиите, дипломирани правници или студенти на мастер студии по право;
  • Да поседуваат развиени говорни и презентациски вештини;
  • Да располагаат со способност за работа во тим и со млади луѓе во мултиетнички средини.
  • Можност да работи за време на викенди.

Заинтересираните предавачи можат своето CV (во кое меѓудругото ќе се наведат и претходните искуства релевантни за овој повик) и кратка мотивација, да ги испратат до среда, 22-ри септември 2021 година, (23:59), на адресите: info@mof.org.mk, fari_hiseni@mof.org.mk и iva_cvetanovska@mof.org.mk со назнака „Пријава за предавач во Учиме право клуб“. За прашања поврзани со повикот, можете да се обратите на погоренаведените адреси.

Клубовите се финансирани од проектот Fostering Youth Activism through Online Media на National Endowment for Democracy.